Гаилә тарихы ике кешедән башлана

Өйләнешкәч Дурас авылында гомер кичергәннәр. Эш кешеләре булганнар, хәтта атаклы Бушмариннар тегермәнендә хезмәт куйганнар.

Алар өч ул һәм дүрт кызга гомер биргәннәр. Без, аларның балалары, барыбыз да диярлек туган авылыбызда төпләнеп калдык. Кызганычка каршы, бүгенге көндә җидебезнең өчесе генә исән.

Бәйрәмгә барыбыз да балалар, киленнәр, кияүләр, оныклар һәм туруннар белән килдек. Барлыгы 60ка якын кеше җыелды. Һәм бу Шакирйән Мөхәммәтҗанов ягыннан гаилә агачының бер ботагы гына.

Гаиләбезнең агач рәвешендә эшләнгән үз шәҗәрәсе дә бар.

Бәйрәм бик эчтәлекле һәм күңелле хис-тойгыларга бай булды. Гаилә әгъзаларының чыгышлары концерт номерлары белән үрелеп барды, кемдер җырлады, кемдер биеде, Карина Гайнетдинова башкаруында искиткеч скрипка көйләре яңгырады.

Балалар бик теләп уеннарда һәм бәйгеләрдә катнаштылар, караокега кушылып җырлаучылар да булды.

Соңыннан барыбыз бергәләп хуш исле пылаудан авыз иттек, тортлар һәм тәм-томнар бе-лән чәй эчтек. Бәйрәм бик матур үтте, барыбыз да очрашудан һәм аралашудан канәгать булып таралыштык.

Гайшә Гобәйдуллина