Без - Рәсәй гражданнары

– Хәзер сез Рәсәй Федерациясенең тулы хокуклы гражданнары һәм чит илдә паспортыгызга карау белән сезнең рәсәйле икәнегезне беләчәкләр. Конституциядә игълан ителгән хокукларны һәм илебезне саклагыз, Туган илебезнең чын ватанпәрвәрләре булыгыз, – диде ул.

– Районның барлык педагогик коллективлары исеменнән сезне бу истәлекле көн – паспорт алган көнегез белән котлыйм.

Кеше тормышы баскыч кебек. Ул туа һәм баскыч буйлап күтәрелә башлый. Балалар бакчасы, башлангыч мәктәп, урта звено... Хәтта шул аз гына вакыт эчендә дә әһәмиятле эшләр башкарыла. Балалар, сезнең өчен иң мөһиме – уку, әти-әниегезне һәм Туган илне ярату. Бүген сез тагын бер бас-кычка күтәрелдегез – бөек Рәсәйнең тулы хокуклы гражданнары булдыгыз. Сезнең яхшы укуыгызны, күңелегезгә хуш килгән һөнәр сайлавыгызны һәм кече туган ягыбызга, республикабызга һәм илебезгә файда китерүегезне телим. Бәйрәм белән, балалар, – диде мәгариф идарәлеге начальнигы Зилә Ямалетдинова.

Ветераннар советы рәисе урынбасары Фәүзи Әсәдуллин да укучыларга котлау һәм тәбрикләү сүзләре белән мөрәҗәгать итте.

– Сезнең бурыч – яхшы уку, гаиләгез, авылыгыз, поселок, район, республика һәм ил тарихын белү. Берничә елдан төрле предприятиеләрдә эшләрсез, бәлки, шәһәрләр һәм районнар җитәкчеләре булырсыз, югары вазифалар биләрсез. Туган якны, кече ватанны беркайчан да онытмагыз һәм шул вакытта гына үз Ватаныбызның чын патриотлары булырсыз, – диде ул.

Балаларга Рәсәй гражданины паспорты белән бергә «Беренчеләр хәрәкәте» значоклары да тапшырылды.