Октябрьдә төшкә кадәр – көз, төштән соң – кыш

Халыкта октябрь ае турында күп төрле, кызыклы сынамышлар бар.

*Октябрь – ни арба, ни чана.

*Октябрь – кара бия, ноябрь – ала бия. 

*Октябрь япмаса, декабрь япмас.

*8 октябрьдә беренче кар юеш җиргә төшсә, эремәячәк, коры җиргә төшсә – тиз эреп бетәчәк.

*Җылы октябрь – салкын кышка.

*Октябрь башында каенга карагыз: яфраклары әле коелмаган булса, кар соң ятар.

*Кыр казлары иртә китсә, кыш иртә килер.

*Карлыгач җылы якка иртә китсә, кыш суык һәм озак булыр.

*Урманда миләш күп булса, көз яңгырлы, ә аз булса, коры булыр.

*1 октябрьгә кадәр кар төшсә, чана юлы тиз булмас.

*Көз куяннар бер эздән йөрсә, кыш кар күп булыр.

*Октябрьдә төшкә кадәр – көз, төштән соң – кыш. Бер сәгать эчендә яңгыр да, кар да явуы ихтимал.
*Каен белән имәннән яфрак коелып беткәнче кар яуса, салкын кыш көт.
*Көз чүмәлә төбендә тычканнар җыелса, икмәк кыйммәт булыр.
*Көз көне куяннар бер эздән йөрсә, кышын кар күп булыр.
*Әрлән оясына печән, салам күп ташыса, кыш салкын булыр.
*Әрлән оясының тишеге төньякка караса, кыш җылы булыр.
*Әрлән оясының тишеге кыйблага караса, кыш салкын булыр.
*Көз көне агач яфраклары коелмаса, халыкка авырлык булыр.