Кибет кассасында безне ничек алдыйлар?

Кибеттән күп товар алганда шул рәвешле алдаулары ихтимал. Шулай ук акчаны кимрәк кайтарып бирергә яки икенче бер штрих-кодны сканер аша үткәрергә мөмкиннәр. Яки кассадагы хезмәткәр сатып алучыга 1 + 1 акциясе турында хәбәр итми, аннан соң клиентка бирергә тиешле икенче товарны үзенә алып кала.

Супермаркетлардагы кассаларда мошенниклыкның тагын бер төре турында хәбәр ителә. Киң таралган схема: чиратта торган сатып алучы янына таныш булмаган кеше килә һәм аның товары өчен үз картасы белән түләргә һәм алмашка аңа акча бирергә тәкъдим итә. Ул бу гамәлен «банкомат эшләми, ә миңа акча кирәк», дип аңлата. Соңрак мошенник түләгән картаның урланган булуы, ә аның пин-кодны белмәве ачыклана.