Кемнәр компенсация һәм субсидия алала?

ЕДК һәм субсидияләр Республиканың халыкка социаль ярдәм күрсәтү үзәге дәүләт казна учреждениесе аша бирелә.

Түбәндәге гражданнар категориясе ЕДК алучылар булып тора:ветераннарның аерым категорияләре (хезмәт ветераннары, сугыш ветераннары, тыл хезмәтчәннәре, хәрби хәрәкәтләр ветераннары);

инвалидлар һәм инвалид балалары булган гаиләләр;

радиация йогынтысына дучар булган гражданнар;

күп балалы гаиләләрнең аерым категорияләре (шәһәрдә һәм авылда яшәүче өч һәм аннан күбрәк балигъ яшькә җитмәгән балалары булган гаиләләр) һ. б.

ЕДК күләме һәр гражданин өчен аерым исәпләнә. Ләкин шуны истә тотарга кирәк: бурыч булганда ЕДК түләнми (гражданин бурычны каплау турында килешү төземәгән булса). Бу РФ Торак кодексы таләбе.

Гражданнар Республиканың халыкка социаль ярдәм күрсәтү үзәгенең рәсми сайтында (http://rcspn.mintrudrb.ru) урнашкан ЕДК калькуляторыннан файдаланып, үзләренең ЕДК алу хокукын мөстәкыйль рәвештә тикшерә ала, шулай ук Республиканың халыкка социаль ярдәм күрсәтү үзәгенең рәсми сайтында (http://rcspn.mintrudrb.ru) урнашкан махсус сервистан файдаланып, торак-коммуналь хезмәтләрнең барлык төрләре буенча тәэмин итүчеләрне (теркәлү адресы буенча торак-коммуналь хезмәтләрнең барлык төрләре буенча тәэмин итүчеләр) тикшерә ала.

Республикада гражданнар айлык акчалата компенсациядән тыш, субсидиядән дә файдалана ала. Стандарт бәядән чыгып исәпләнгән торак-коммуналь хезмәтләргә түләү чыгымнары гаиләнең кеременә карап билгеләнә:

күп балалы һәм тулы булмаган гаиләләр өчен – 13%;

70 яшькә җиткән ялгыз яшәүче пенсионерлар өчен – 16%;

70 яшькә җитмәгән ялгыз яшәүче пенсионерлар өчен – 18%;

башка категория гражданнар өчен – 20%.

Әмма шул ук вакытта субсидиягә дәгъва итүче гражданнар түбәндәге категориядә булырга тиеш:

дәүләт һәм муниципаль торак фондларның торак биналарыннан файдаланучылар;

шәхси торак фондының торак биналарын наем килешүе буенча алып торучылар;

торак кооперативлары әгъзалары;

торак биналар милекчеләре.

Гражданнар шулай ук Республиканың халыкка социаль ярдәм күрсәтү үзәгенең рәсми сайтында (http://rcspn.mintrudrb.ru) урнашкан субсидияләрнең онлайн-калькуляторыннан файдаланып, субсидия алуга хокуклары булуын мөстәкыйль рәвештә тикшерә ала.

Айлык акчалата компенсация түләүнең асылы шунда, ул шәһәрдә һәм авылда яшәүче гражданнарга түләнә һәм гражданнарның аерым категорияләренә торак биналарга һәм коммуналь хезмәтләргә түләүгә киткән чыгымнарны өлешчә капларга мөмкинлек бирә.

Социаль ярдәм чараларын күрсәтү тәртибе һәм шартлары турындагы барлык мәгълүмат, шулай ук кирәкле документлар исемлеге БР Гаилә һәм хезмәт министрлыгының рәсми сайтында (https://mintrud.bashkortostan.ru/ («Деятельность» бүлегендә «Социальная поддержка» бүлекчәсендә) һәм Республиканың халыкка социаль хезмәт күрсәтү дәүләт казна учреждениесенең рәсми сайтында (http://rcspn.mintrudrb.ru («Выплаты и пособия» бүлегендә) урнаштырылган. Әлеге сайтларда социаль ярдәм чараларын күрсәтү буенча барлык үзгәрешләр турында мәгълүмат бар.

Шулай ук БР Гаилә һәм хезмәт министрлыгының (mintrud@bashkortostan.ru) яки Республиканың халыкка социаль хезмәт күрсәтү дәүләт казна учреждениесенең (rcspn@bashkortostan.ru) электрон почталарына язма рәвештә мөрәҗәгать итү мөмкинлеге бар.

2021 елның 25 гыйнварыннан балалары булган гаиләләргә, ветераннарга, инвалидларга һәм башка категория гражданнарга социаль ярдәм күрсәтү буенча консультатив ярдәм буенча күп каналлы телефон номеры эшли башлады.

Республиканың барлык шәһәрләре һәм районнары өчен бердәм номер: 8 (347) 200-80-80 (rcspn@bashkortostan.ru).