Өлкәннәр көне уңаеннан концерт

Бу көнне Чишмә районы хакимияте каршындагы мәйданда район Мәдәният сарае хезмәткәрләре, «Задоринки» бию коллективы, Чишмә сәнгать мәктәбендә шөгыльләнүчеләр катнашлыгында концерт булды.

– Концерт бик ошады, сәхнәдә чыгыш ясаучыларга карап яшьлегемне искә төшердем, елап алдым. Кайчандыр үзем дә сәхнәдән төшмәдем. Дустым Рәүф белән һәрвакыт концертларда, Чишмә халык театрында катнаштым. Безнең турыда онытмаулары, хөрмәт итүләре һәм шундый кызыклы чаралар оештырулары өчен рәхмәт әйтәсем килә, – дип тәэссоратлары белән уртаклашты Нурислам Бикмәев.

Чишмә районы оешмалары Өлкәннәр көне алдыннан үз пенсионерларына күчтәнәчләр тараттылар, район гәзитенә яздырдылар һәм бәйрәм белән котлап видеооткрыткалар җибәрделәр.