Сайлаулар турында онытмагыз

Аерым алганда, Уфа һәм Межгорье шәһәрләреннән тыш, барлык шәһәр округларында, муниципаль районнарда, шәһәр һәм авыл биләмәләрендә урындагы үзидарәнең вәкаләтле органнарына депутатлар сайланачак. Урындагы сайлауларда 1 760 мандат алышына, шуларның яртысыннан күбрәге муниципаль район Советларына депутатлар сайлауга туры килә. Моннан тыш, Уфаның Совет районында яшәүчеләр 14нче Новиковский округы буенча Башкортстан Республикасы Дәүләт җыелышы – Корылтайга депутатлар, ә Белорет районы һәм Межгорье шәһәре сайлаучылары 35нче Металлургия округы буенча сайлауларда катнашачак.

Барлык дәрәҗәдәге сайлауларда 4 799 кеше үз кандидатурасын күрсәтте, шуларның 4 419ы теркәлгән. Теркәлгән кандидатларның якынча 20%ы үз-үзләрен күрсәтү тәртибендә катнаша, калганнары ун сәяси партия тарафыннан тәкъдим ителә.

Быел сайлаулар турындагы законнарга кайбер үзгәрешләр кертелде, алар, шул исәптән тавыш бирүне оештыруга да кагылды. Сораулар гражданнарның ихтыярын белдерү өчен өстәмә мөмкинлекләр һәм уңайлы шартлар булдыруга, пандемия шартларында гражданнарның сәламәтлеген саклауга юнәлдерелгән.

Әйтик, безнең практикада вакытыннан алда тавыш бирүнең яңа формалары барлыкка килде – өйдә яки йорт яны территорияләрендә тавыш бирү һәм тавыш бирү өчен урыннар булмаган һәм транспорт баралмаган торак пунктларда яшәүче сайлаучыларга тавыш бирү оештырыла. Аларның кайсын куллану турында сайлауны оештыручы комиссия карар чыгара.

Сайлаудагы яңалыклар белән беррәттән сайлаучыларга таныш булган тавыш бирү ысуллары да гамәлдә булуын дәвам итә. Мәсәлән, Башкортстан Республикасында Дәүләт җыелышы депутатларын өстәмә сайлауларда, ягъни бер мандатлы Новиковский һәм Металлургия сайлау округларында «Мобиль сайлау» системасыннан файдаланырга була. Бу сайлауларда халыкка шулай ук Мәскәү шәһәренең цифрлы участокларында сайлау мөмкинлеге дә бирелгән.

13 сентябрьдә үзләренең сайлау участокларына килә алмаган башка сайлаучыларга Башкортстан Республикасының Сайлаулар турындагы кодексы нормаларына ярашлы вакытыннан алда сайлау мөмкинлеге бирелә. Бу хокуктан нигезле сәбәп булганда – ял, командировка, сәламәтлек торышы, хезмәт яки уку эшчәнлеге режимына бәйле очракта гына файдаланырга мөмкин. Вакытыннан алда тавыш бирергә теләүче участок сайлау комиссиясенә алдан тавыш бирүенең сәбәбе язылган гариза тапшыра. Алдан тавыш бирү участок сайлау комиссиясе биналарында 2 сентябрьдән 12 сентябрьгә кадәр үтә.

Сайлаучылар, территориаль сайлау комиссиясе карары булган очракта, вакытыннан алда тавыш бирүне оештыруның өстәмә формаларыннан файдаланып, 11 һәм 12 сентябрьдә алдан тавыш бирә ала.

Катлаулы эпидемиологик хәл сәбәпле, инфекция таралуга юл куймас өчен бердәм тавыш бирү көненә әзерләнгәндә һәм уздырганда сайлау комиссияләре тарафыннан төрле чаралар күреләчәк: тавыш бирүдә катнашучыларның температурасы үлчәнәчәк, куллар дезинфекцияләнәчәк, санитар дистанцияне үтәү өчен махсус линия-күрсәткечләр куелачак, әйберләр йогышсызландыру чаралары белән эшкәртеләчәк, бер тапкыр кулланыла торган перчаткалар, комиссия әгъзалары өчен экраннар кулланылачак.

13 сентябрьдә бердәм тавыш бирү көненә әзерлек һәм аны уздыру мәсьәләләре буенча республика Үзәк сайлау комиссиясе әгъзаларыннан һәм аның аппараты хезмәткәрләреннән «кызу линия» телефон номерлары буенча консультация алырга мөмкин: 8 (347) 280-95-06, 8 (347) 280-96-34. Шулай ук Рәсәй Үзәк сайлау комиссиясе мәгълүмат-белешмә үзәгенең 8-800-20000-20 номеры буенча күп каналлы телефоны эшли.

Булачак сайлау кампаниясе турындагы барлык кирәкле мәгълүмат БР Үзәк сайлау комиссиясе сайтларында «Выборы 2020» бүлегендә, шулай ук «Facebook», «ВКонтакте» һәм «Одноклассники» социаль челтәрләрендә Комиссия битендә урнаштырылган.