Белореттан эш сәфәре белән

Кунаклар Тарих-крайны өйрәнү музеенда, район мәктәпләрендә, җәмигъ мәчеттә һәм Успение чиркәвендә, шулай ук Чишмә районының сәнәгать объектларында һәм авыл хуҗалыгы предприятиеләрендә булдылар.

Делегация әгъзалары шулай ук берничә терлекчелек һәм игенчелек хуҗалыгында барган эшләр белән таныштылар, шул исәптән районның гына түгел, ә республиканың да токымлы маллар үрчетү белән шөгыльләнүче хуҗалыкларының берсе булган «Нурис» җәмгыятенә бардылар. Кунаклар ферманың корпусларын, терлекләрне асрау шартларын карадылар, хуҗалыкның казанышлары һәм кадрлар турында сөйләштеләр.

Кунаклар сүзләренә караганда, Чишмә районы аларда уңай тәэссоратлар калдырган.

Белорет районыннан килгән делегациягә Чишмә районы турында истәлек итеп якташыбыз, башкорт эстрадасы сандугачы Фәридә Кудашева турында китаплар бүләк ителгән.