Чокырларны ремонтлау һәм цифрлы күрсәткечләр

Төбәктәге автомобиль юлларында чокырларны ямау һәм юл инфраструктурасы өлкәсендә эшләрне планлаштыру һәм контрольдә тоту системасында чокырларны цифрлаштыру мәсьәләләре буенча атна саен үткәрелә торган киңәшмәдә сүз шул хакта барды.

Бүгенге көндә юл инфраструктурасы өлкәсендә эшләрне планлаштыру һәм контрольдә тоту системасында теркәлгән асфальт юл катламының 88 проценты ремонтланган. Шул ук вакытта Салават, Агыйдел, Архангель, Бөрҗән, Зианчура, Ишембай һәм Нуриман районнарында эшләр 100 процентка башкарылган.

Быел Башкортстанда «Экология» гомумдәүләт проектының «Урманнарны саклау» проектын финанслауга 211 миллион сум акча юнәлтеләчәк. Ул техника һәм җиһазлар сатып алуга, шулай ук урманнарны тергезү чараларына тотылачак.

Әлеге вакытта урман хуҗалыгы һәм урман янгыннарын сүндерү өчен машиналар, тракторлар, агач утырту, куак кисү техникасы, урман сабаннары һәм культиваторлар, янгын сүндерү автоцистерналары, ярымтагылмалы йөк машиналары сатып алынган да инде. Июльдә автопарк республиканың Урман янгыннарын сүндерү үзәге өчен пилотсыз очу аппаратлары-квадрокоптерлар белән тулыландырылачак.