+16 °С
Облачно
Гомуми мәкаләләр
28 Июня 2020, 09:14
Паспорт алу өчен интернет аша гариза биреп була
Агымдагы елның биш аенда район территориясендә 300дән артык чит ил гражданы миграция исәбенә куелды.
Алмаз Карачурин, Рәсәй Эчке эшләр министрлыгының Чишмә районы буенча миграция мәсьәләләре бүлеге начальнигы
Миграция мәсьәләләре бүлеге хезмәткәрләре, участок полицейскийлары белән берлектә көн саен чит ил гражданнарының кайда тору һәм яшәү шартлары тикшерелә.
Шуны күздә тоту мөһим, чит ил гражданнарын ялган миграция исәбенә куйган өчен чишмәлеләргә җинаять эшләре кузгатылган очраклар булды.
Исегезгә төшерәбез, Рәсәй Эчке эшләр министрлыгының Чишмә районы буенча миграция мәсьәләләре бүлеге Бердәм дәүләт хезмәтләре порталы аша түбәндәге хезмәтләрне күрсәтә:
РФ гражданины паспортын бирү һәм алыштыру;
чит ил паспортын биш елга рәсмиләштерү;
РФ гражданнарын яшәү урыны буенча теркәү исәбенә алу;
адреслы-белешмәи мәгълүмат алу.
Дәүләт хезмәтләрен Бердәм портал аша алуның өстенлекләре – гаризаны тәүлекнең теләсә кайсы вакытында бирү мөмкин, документларны бастырып чыгару һәм күчермәсен алу таләп ителми, гариза биргәндә чиратлар юк, шәхси кабинетта дәүләт пошлинасын түләгәндә 30% ташлама бирелә.
Редакцияне сайлау
