Яхшы юллар өчен онлайн-сервис

Эшләр 15 февральдә үк башланды. 15 июньгә юлчылар планны 100%ка үтәп юллардагы 175 меңнән артык җитешсезлекне бетерде. Башкортстан Башлыгы Радий Хәбиров БР Хөкүмәтендә үткән атналык оператив киңәшмәдә билгеләп үтүенчә, чокыр-чакырларны ямау буенча «күләмле эш башкарылды һәм ул күренеп тора». Ул республика халкы өчен онлайн-сервис эшләргә кушты, аның ярдәмендә тиешле хезмәтләр чокыр-чакырларны һәм тигезсезлекләрне оператив рәвештә бетерә алачак, бу юллардагы җитешсезлекләр турында хәбәр итәргә мөмкинлек бирәчәк.

Республикада 2024 елга кадәр ике меңнән артык чүплекне бетерү, калдыкларны аерым җыю өчен 25 мең контейнер урнаштыру, шулай ук Сибайда, Учалыда, Стәрлетамакта, Нефтекамада, Уфада һәм Салаватта һава пычрануга контрольлек итү буенча автоматлаштырылган җиде станция төзү планлаштырыла.

Шулай ук калдыкларны утильләштерү буенча өч завод һәм чүп-чарны сортларга аеручы 16 заманча комплекс төзеләчәк. Әлеге вакытта аларның өчесен төзү буенча эш башланган инде. Мәсәлән, Туймазы районында чүп-чарны сортларга аеру комплексы агымдагы ел ахырына кадәр ачылачак. Бәләбәй һәм Дәүләкән районнарында шундый ук комплекслар проектлары эшләнә.