Билгеләр һәм киртәләр юк

Алкин-2, Уразбахты, Калмаш авыллары, Чишмә поселогының беренче һәм бишенче мәктәпләре, шулай ук «Алтын башак», «Светлячок», «Малыш» балалар бакчалары янында юл билгеләренең булмавы ачыкланды. Новотроицкий, Сәйран, Дмитриевка авыллары мәктәпләре, «Ромашка», «Дюймовочка», «Кояшкай» балалар бакчалары янында да юл билгеләре юк. Шулай ук прокуратура тарафыннан Енгалыш, Иске Муса мәктәпләре, «Радуга», «Малыш» балалар бакчалары янында җәяүлеләр йөри торган юлны чикләүче киртәләр булмавы ачыкланды.

Урындагы үзидарә органнары башлыкларына әлеге җитешсезлекләрне бетерү турында тәкъдимнәр җибәрелде. Эшләр барышы район прокуратурасы контролендә.