Июньнең икенче яртысы уртача җылы булачак

Көндез һава Цельсий баганасының +18-28 градус чикләрендә җылыначак, әмма аерым көннәрдә, ә нәкъ 18 һәм 22 июньдә термометр баганасы нибары 13 градус җылылык күрсәтәчәк. Төнлә кыраулар көтелми – 22–23 июньдә иң салкын төндә минималь температура +7 булачак дип фаразлана. Бераз яңгыр явачак. Фаразларга караганда, якындагы ике атнада нибары 10 миллиметр чамасы явым-төшем көтелә.

Мондый уртача җылы һава торышы кешеләргә дә һәм авыл хуҗалыгы өчен дә бик уңайлы. Тәҗрибә күрсәтүенчә, озакка сузылган эссе көннәрдә йөрәк һәм кан тамырлары белән бәйле күп кенә авырулар кискенләшә, суга батып үлүчеләр саны арта. Артык эссе кояш һәм югары температура Башкортстанда үсүче авыл хуҗалыгы культуралары өчен дә кулай түгел. Безнең климат өчен җәйге һава торышы көндезге температура +20–25 градус чикләрендә һәм уртача явым-төшемнәр булганда иң кулай дип санала.

Фото: pixabay