Урып-җыю эшләре дәвам итә

Авыл хуҗалыгы идарәлеге мәгълүматларына караганда, 1 августка 2802 гектарда бөртекле һәм бөртекле-кузаклы культуралар урылган, 6200 тоннадан артык ашлык суктырылган. Шул исәптән 815 гектар мәйданда уҗымнар урылган, 2487 тонна ашлык алынган, уртача уңыш куәте – 30,5 центнер. Сабан ашлыгы 1987 гектарда урып җыелган, 3724 тонна суктырылган, уртача уңыш гектарыннан 18,7 центнер тәшкил итә.