Яңа елны көтәбез

Һәр Яңа елны каршылыйбыз

Теләк теләп Ходайдан,

Зур өметләр баглыйбыз

Тыныч-имин дөньядан.

Урамда чыршы утлары

Балкып яна төрле төстә,

Күк йөзендә йолдыз атыла,

Сихри мизгел төнге кичтә.

Туган йортның төп нигезе

Чакырып җыя һәр елны,

Әти-әнинең балкый йөзе,

Сагынып көткәннәр безне.

Гашыйклар да пышылдашып

Кавышырга сүз бирә,

Тормыш җилкәнен бергә борып

Вәгъдә – иман дип күрә.

Таңга кадәр уен-көлке,

Могҗизалар көтәбез.