Кышкы мизгел

Кышның матур мизгеле бит –

Ак бураннар өере,

Басып торам ак буранда,

Шул өемнәр шикелле.

Күңелем тулы ап-ак хисләр,

Йөрәгемдә ак уйлар.

Ап-ак карлар җемелдәшә,

Күзләремдә ак нурлар.

Елмаямын карга карап,

Күңелем күтәренке.

Учларымда – кар бөртеге,

Уйларымда син икән.

Яннарымда сөйгән ярым

Кар бөртекләрен сибә,

Аның сипкән бөртекләре

Бит очларыма куна.

Яратамын кыш мизгелен,

Әллә кышта туганга.

Күңелемнең сафлыклары

Шул ак кардай булганга.