Район гәзите белән дусбыз

– Бу турында танышымнан белдем, Зөмрад Зөфәр кызы, сез юрган оттыгызмы, дип шалтыратты.

Чыннан да мин икән, көтелмәгән сөенеч булды. Гәзит белән күптән дусбыз, башыннан азагына кадәр, шул исәптән котлауларны да укып чыгам. Әнием, Зөһрә Галиева да, күпмедер вакыт гәзиттә штаттан тыш хәбәрче булып эшләде. Мин үзем 20 ел нефть-газ сәнәгатендә, аннары Башкорт дәүләт университетында, шулай ук 5нче урта мәктәптә математика һәм психология укытучысы булып эшләдем, аннан соң пенсиягә чыктым, – дип үзе турында сөйләде ул.