-3 °С
Болытлы
Барлык яңалыклар
Укучы – гәзит
9 Май 2020, 17:45
Җиңү язы
Гәзит укучыбыз иҗаты
Кифая Монзарова
Җиңү язы
Җиңү язы, җиңү язы җирдә,
Ак каеннар яшел бөредә.
Мыек чыгармаган яшь егетнең
Бил каешы саклана чөйдә.
Анасының күзләре дә күрми,
Һәркөн сәрмәп карый шул чөйне,
Күңеленнән моңлап дисбе тарта,
Улы-бәгъре моңлаган көйне.
Нинди көй икәнен белми үзе,
Күңеленә кереп сарылган.
Көтә һаман, өзми өмет җебен,
Изге җаны көйрәп куырылган.
Кайтмады улы, кайтмады шул,
Явыз сугыш өзде гомерен,
Риза булыр иде газизенең
Җир куенына салса да көлен.
Яуда үлгән улы, янып үлгән,
Танкына төшкән бомбадан,
Күкне иңли изге ана күңеле,
Күк йөзендә тик зәңгәр томан.
Хәтер көне
Карт солдатның бит-яңагы буйлап
Күз яшьләре төшә тәгәрәп.
Ирләр еламый, дип кемнәр әйткән,
Ул бары тик сакланган гадәт.
Елый ирләр, елый бүген илем,
Күз яшьләрен түгә туган җир.
Хәтер көне бүген, хәтер көне,
Сәлам юллый бүген талгын җил.
Читайте нас:
Редакцияне сайлау
© 2020-2024 Сайт газеты «Чишмэ»
Свидетельство о регистрации СМИ: ПИ № ТУ02-01358 от 23.07.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор: Хамитова Дильбар Равиловна
Телефон
8 (347 97) 2-06-86
Электрон почта
Адресы
452170, Чишминский район, п. Чишмы, пер. Типографский, 1
Реклама хезмәте
8 (34797) 2-33-63
Редакция
8 (34797) 2-31-66
Кабул итү бүлмәсе
8 (34797) 2-31-66
Хезмәттәшлек
8 (347 97) 2-06-86
Кадрлар бүлеге
8 (347 97) 2-33-63