Телефон буенча акча күчерү

Хәзер телефон номеры буенча башка банклардагы исәпләргә акча күчерергә мөмкин, дип ишеттем! Бу шулаймы?

– Дөрес. Хәзер күпчелек банклар, төгәлрәге 39 банк, Тиз түләү системасында катнаша. Системаны 100дән артык банк сыный һәм алар якын арада Тиз түләү системасына кушылачаклар. Ул акчаны картадан, шулай ук бер банктан гына түгел, ә теләсә кайсы исәптән теләсә кайсы банктагы исәпкә тәүлек әйләнәсенә һәм онлайн режимда күчерү мөмкинлеге бирә. Һәм моның өчен акча җибәрәсегез килгән кешенең кесә телефоны номерын гына белергә кирәк.

Системага смартфоннан һәм планшеттан, шулай ук компьютердан Интернет-банк аша, Тиз түләү системасында катнашучы банкның мобиль кушымтасы аша да керергә мөмкин.

Үз банкыңның мобиль кушымтасында акча күчерү өчен түбәндәгеләрне эшләү мөһим:

Ул берничә секунд эчендә акча алучының исәбенә күчереләчәк һәм ул аны шунда ук куллана алачак.

Шунысы мөһим, акча күчергән банк һәм акчаны алган банк та Тиз түләү системасында катнашучылар булырга тиеш. Мондый банкларның исемлеге Тиз түләү системасы сайтында урнаштырылган: sbp.nspk.ru.

Әлеге вакытта Тиз түләү системасында 48,3 млрд сумлык 5,5 млн операция ясалган. Шул ук вакытта күчерүнең уртача суммасы 8,8 мең сум тәшкил итә.