Кошлар имин кышласын өчен

Кошлар өчен үз кулларың белән утлык ясау идеясен ата-аналарның күбесе күтәреп алды. Алар барлык фантазияләрен эшкә җигеп утлыкларны үзенчәлекле итеп ясадылар. Сабыйлар утлыкларны бакчага зур горурлык белән алып килделәр, һәм берсен-берсе уздырып әтиләренең аларга чүкечне ышанып тапшыруы һәм әниләре белән бергәләп бизәүләре турында сөйләделәр.

Утлыкларны балалар бакчасы территориясенә элдек, сабыйлар кошларны бик теләп ашаталар. Ә тәрбиячеләр аларга кошларның төрләре һәм аларга җим салу тәртибе турында сөйлиләр.