Тартмагыз

Америка табиблары, тартучы кешеләрнең сынган сөякләре тәмәке тартмаучы кешеләрнекенә караганда озаграк ялгана, дигән фикергә килгәннәр. Ортопедлар да тәмәке төтенендә була торган наркотик матдә һәм углерод окисе сөяк ялгану процессына тискәре йогынты ясый дип исәплиләр.

Никотин кан тамырларының тараюына китерә һәм шуның аркасында сынган сөяк тирәсендә кан йөреше әкренәя төшә. Углерод окисе организмга кислород керүне киметү сәбәпле тәндәге тукымаларның яңаруын тоткарлый.