+12 °С
Яңгыр
Барлык яңалыклар
Укучы – гәзит
23 Май 2019, 16:58
Гомер
Гәзит укучы иҗаты
Әдхәт Байков
Туу белән бәндә дөньяларга
Чын күңелдән исәнлек телибез,
Ничек яшәр, кайда гомере үтәр,
Ә боларын без бит белмибез.
Кайберәүләр китәр бу дөньядан
Туу белән, нәни чагында.
Кайберәүләр үсеп җиткәч китә
Вафат булып тормыш юлында.
Туганнан соң үсә башлау белән
Без белмибез нәрсә телибез.
Без бит килгән монда вакытлыча,
Шул гомернең кадерен белмибез.
Ашыгабыз, гүя аңламыйбыз
Соңгы юлның ничек үтәсен,
Иртә булса тизрәк кич булсын, дип,
Ә кич булса, тизрәк иртәсе.
Читкә киткәч якын кешеләрне
Түзә алмый сагынып көтәбез,
Тизрәк килсен иде шул көн дибез,
Һәм сизмибез гомер үткәнен.
Тырышабыз гүя җиткерергә,
Кайчан туктарга да белмибез,
Беребезнең дә уйга керми шунда,
Бу дөньяга кабат килмибез.
Шуның өчен сезгә әйтер идем:
Ашыкмагыз тормыш юлында,
Сабыр гына түзеп яшәсәгез,
Үкенмәссез бәлки соңында.
Озын гомер теләп башкаларга
Талмасын ла сезнең телегез,
Бу дөньяда без бит кунак кына,
Кадерен белеп яши белегез.
Читайте нас:
© 2020-2024 Сайт газеты «Чишмэ»
Свидетельство о регистрации СМИ: ПИ № ТУ02-01358 от 23.07.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор: Хамитова Дильбар Равиловна
Телефон
8 (347 97) 2-06-86
Электрон почта
Адресы
452170, Чишминский район, п. Чишмы, пер. Типографский, 1
Реклама хезмәте
8 (34797) 2-33-63
Редакция
8 (34797) 2-31-66
Кабул итү бүлмәсе
8 (34797) 2-31-66
Хезмәттәшлек
8 (347 97) 2-06-86
Кадрлар бүлеге
8 (347 97) 2-33-63