Ирекле дактилоскопия: кемгә һәм ни өчен кирәк?

И. Кирилова, Чишмә поселогы

– Кайбер хәлләрдә дактилоскопиянең кирәге чыгарга ихтимал. Полициянең мәгълүматлар базасында кешенең бармак эзләре сакланса, аның шәхесен ачыклауда кыенлык тумый. Бу бәхетсезлек очраклары – янгын, юл һәлакәте, җир тетрәү булганда гына түгел, ә кеше хәтерен яки аңын югалтып дәваханәгә эләккәндә дә кирәк булырга мөмкин.

Полицейскийлар бу гражданинның шәхесен ачыклагач, аның кайдалыгын тиз арада туганнарына хәбәр итә ала. Бармак эзләрен калдыруның тагын бер уңай ягы бар – паспортын югалткан очракта кешенең шәхесе бер кыенлыксыз бармак эзләре буенча ачыклана. Гражданин чит шәһәргә барганда бу аеруча көнүзәк – һәркемнең кесә карагы корбаны булуы ихтимал.

Рәсәй Эчке эшләр министрлыгының Чишмә районы буенча миграция бүлегенә килеп ирекле рәвештә бармак эзләрен калдырырга мөмкин, моның өчен үзең белән шәхесне раслаучы документ булырга тиеш.