Чишмэ
-29 °С
Болытлы
75 лет Победы
Барлык яңалыклар
Укучы – гәзит
20 апрель 2019, 17:28

Сыерчык оялары элдек

Бишкәҗә авылы мәктәбе территориясендә сыерчык оялары һәм кошларга җимлекләр бик күп.

Быел укучылар тагын кош оялары ясап, аларны мәктәп янындагы агачларга элделәр.

Апрель башында сыерчыклар килде, алар туган якларын бик сагынып кайтканнар, дәртләнеп сайрап тирә-якны моңга күмәләр.

Күптән түгел мәктәптә «Ветераннарга – сыерчык оялары» акциясе үткәрелде. Укучылар тыл һәм хезмәт ветераны Фәнзирә апа Әхмәдуллинаның да йорт алдына сыерчык оясы элеп куйдылар. Фәнзирә апа бик шатланды һәм балаларга рәхмәт әйтте.

– Сыерчыклар сез ясаган ояны ошатырлар, балаларын шунда үстерерләр. Йорт алды дәртле моңга күмелер, – диде ул.

Укучылар киләсе елда да сыерчык оялары ясау буенча акциядә катнашырга карар иттеләр.
Г. Әхмәдуллин
Читайте нас в