Җиденче сыйныфларга – туган як тарихы турында

Рәсәй халыкларының рухи-әхлакый мәдәнияте дәресләренең берсендә без җиденче сыйныф укучылары белән районның Тарих-крайны өйрәнү музеена бардык.

Мостай Кәримгә багышланган экспозиция балаларда аеруча тәэсир калдырды. Җиденче сыйныфлар шагыйрь иҗаты, биографиясе белән якыннан таныштылар, хәтта күренекле якташыбызның шәхси әйберләрен дә тотып карый алдылар. Укучылар экскурсияне алып баручы Л. Нуретдинова сөйләгәннәрне бик кызыксынып тыңладылар.