+24 °С
Дождь
Укучы – гәзит
27 Марта 2019, 12:54
«Баллы чишмә» мәчете янына берничә сыерчык оясы куелды
Уразбахты авылы пенсионеры Наил Котдусов бу юллар авторына, «Баллы чишмә» мәчете имам хатибенә мәчет янына берничә сыерчык оясы кую тәкъдиме белән мөрәҗәгать итте.
Наил абзый, өлкән яшьтә булуына карамастан, Интернеттан кош оялары сызымнарын тапкан, аларны нинди материаллардан эшләргә һәм нинди биеклеккә эләргә кирәклеген укыган.
Сыерчык оялары әзер булгач, аларны агачка элеп кую өчен мәктәп укучыларыннан ярдәм сорадык. Безгә сигезенче сыйныфтан Руслан Фәрхетдинов һәм тугызынчы сыйныфтан Радмир Мәхмүтов бик теләп ярдәм иттеләр. Хәзер канатлы дусларыбыз без каеннарга элгән ояларда яшәр һәм безне моңлы сайраулары белән куандырып торыр.
Рәис Әминев
Редакцияне сайлау
