«Сертотмас үрдәк» сәхнәләштерелде

Гәзитебезнең алдагы санында Сәйран китапханәсендә балалар курчак театры эшләп килгәнен язып үткән идек инде.

Белүебезчә, 2019 ел – Театр елы дип игълан ителде. Шушы уңайдан безнең китапханәдә Абдулла Алишның «Сертотмасүрдәк» әкияте сәхнәләштерелде. Балалар кемнең нинди рольдә уйнаганын алдан ук үзләре хәл иттеләр. Әкият татар телендә куелды.

Бу әкияттә сүз телен тыя белмәгән үрдәк турында бара. Бер сертотмас үрдәк аркасында менә дигән хуҗалыкка тузып юкка чыгу куркынычы яный. Әмма хуҗаның уяулыгы аркасында йорт-курага зыян килми, ә йорт хайваннары, үрдәктән тыш башкалары, барысы да исән кала. Язучы Алиш балаларга сернең сер булып калырга тиешлеге, теләсә кемгә ни калса шуны сөйләп йөрмәскә кирәклеге турында аңлаткан.

Ә сез ничек уйлыйсыз, укучыларым, серне кемгә җитсә шуңа сөйләргә ярыймы икән?