Хезмәт хакы түләнмәгән

Башкортстан Республикасының Чишмә районы прокуратурасы «Чишмә сөт заводы» җаваплылыгы чикләнгән җәмгыятьтә хезмәт законнары үтәлешен тикшерде. Предприятиенең 2022 елның маеннан августына кадәр 77 хезмәткәргә эш хакы түләмәве ачыкланды. Бурычның гомуми суммасы 4 миллион сумнан артып китә.

Шул ук вакытта завод директоры оешма хисабына кереп 15 миллион сумның өчтән бер өлешен генә хезмәт хакын түләүгә тоткан.

Калган сумма предприятиенең башка финанс ихтыяҗларын хәл итүгә, салымнар, кредитлар түләүгә, чимал сатып алуга тотылган.

Прокуратура әлеге факт буенча мәсьәләне хәл итү өчен тикшерү органына материаллар җибәрде.

Тикшерү нәтиҗәләре буенча РФ Җинаять кодексының 145.1 маддәсенең 2нче өлеше (хезмәт хакын ике айдан артык түләмәү) буенча җинаять эше кузгатылды. Хәзерге вакытта прокурор катнашыннан соң 42 хезмәткәргә 2,7 миллион сумнан артык хезмәт хакы түләнгән. Җинаять эшен тикшерү барышы һәм хезмәткәрләрнең хокукларын торгызу күзәтчелек ведомствосы контролендә тора.