Илдән куып чыгарылган

Гәрчә мигрантларның күпләп килүе һәм аларны эшкә алу, инвестицияләр җәлеп ителү һәм яңа эш урыннары булдырылу сәбәпле, район үсешенең мөһим ресурсы булып торса да. Вакыт күрсәтүенчә, республикада эшче көчләр җитәрлек түгел. Шуңа күрә якын чит ил гражданнары эшкә урнашу өчен еш кына нәкъ Башкортстанны сайлыйлар.

Чишмә районы хакимияте башлыгы урынбасары Артем Бәдретдинов билгеләп үтүенчә, нәкъ шуңа күрә квартал саен «Син Башкортстан Республикасына кирәк!» дигән темага семинар-киңәшмәләр үткәрелә, анда ватандашларның безнең төбәккә күченеп килүенә булышлык итү мәсьәләләре тикшерелә,  мигрантларны теркәү һәм эшкә урнаштыру өчен документлар әзерләүдә һәм тапшыруда ярдәм күрсәтелә, гражданнарны кабул итү оештырыла.

Шул ук вакытта озак вакыт теркәлмичә йөргән гражданнарны ачыклау буенча рейдлар үткәрелә.

РФ Административ хокук бозулар турындагы кодексның 18.8нче маддәсенә ярашлы (чит ил гражданинының яки гражданлыгы булмаган затның Рәсәй Федерациясенә килү кагыйдәләрен яки биредә булу (яшәү) режимын бозуы), Рәсәй Федерациясеннән куып чыгару белән яки чыгармыйча ике меңнән биш мең сумга кадәр административ штраф салуга китерә.

Чишмә район судыннан алынган мәгълүматларга караганда, 2022 елда шундый сигез эш каралган.

Өч кешегә штраф, ә биш гражданга илдән куып чыгару белән административ штраф салу рәвешендә җәза билгеләнгән.

Гадәти бер мисал китерик. Агымдагы елның мартында Чишмә районы эчке эшләр бүлегенең миграция мәсьәләләре буенча инспекторы тарафыннан административ хокук бозу турында беркетмә төзелгән. Ул шуннан гыйбарәт: Үзбәкстан кешесе 2021 елда безнең илдә яшәвен раслаучы документ тапшырмаган, шул рәвешле Федераль закондагы 8нче маддәнең 11нче пунктын бозган.

Ачыклануынча, ул элегрәк тә административ җаваплылыкка тарттырылган булган. Суд утырышында үзенең беркайда да эшләмәве, йорт төзүе, банкта исәбе булмавы турында сөйләгән, һәм үткән елда өйдә арест астында булуын раслаган.

Мәгълүматларга ярашлы, Үзбәкстан гражданины безнең илдә даими яшәү өчен хокук алган. Аның өч кечкенә баласы бар, әмма гаиләсе белән бергә яшәми.

Ул Чишмә район суды тарафыннан гаепле дип танылган һәм аңа Рәсәйдән куып чыгару белән биш мең сум күләмендә административ штраф салынган.