Аракы саткан өчен штраф түләргә туры киләчәк

Чишмә районында алкогольле продукцияне законсыз сату фактларын ачыклау буенча рейдлар дәвам итә. 15 июньдә икътисади җинаятьләргә каршы көрәш һәм коррупциягә каршы гамәлләр бүлеге хезмәткәрләре тарафыннан чираттагы хокук бозулар ачыкланды: Шөнгәккүл авылында өеннән 0,25 литрлы шешәләрдә хәмер саткан берәүдән 5 литрга якын продукция тартып алынган, спиртлы эчемлекләр экспертизага җибәрелгән.

Закон бозучыга 30 мең сумга кадәр штраф яный. Бабик авылында яшәүче бер хатын 0,25 һәм 0,5 литрлы шешәләргә салып шулай ук өеннән аракы саткан. Аңардан барлыгы 18 литр продукция тартып алынган. Тикшерүләрдән соң аңа 30 мең сум күләмендә штраф билгеләнгән.

Фото: Na-zemle-salavata.rbsmi.ru