Чакыру ялган булса да, штраф чын

2020 елның дүрт аенда Чишмә районында әлеге төр хокукны бозган өчен 17 кеше җавапка тарттырылган. Шул рәвешле хокук бозган өчен 1000–1500 сум күләмендә штраф салу каралган.

Чишмә районы суды безнең районда яшәүче, РФ Җинаять кодексының 318нче (власть вәкиленә карата көч куллану) маддәсе буенча гаепле дип табылган ирне хөкем итте. Аңа җирле үзидарә органы билгеләгән урыннарда 240 сәгать мәҗбүри эш рәвешендә җәза билгеләнде. Моннан тыш, власть вәкиле (полиция хезмәткәре) рухи зыянны каплау турында дәгъва белдерде, район суды аның бу теләген канәгатьләндерде. Рухи зыян өчен аңа 20000 сум күләмендә компенсация түләттерелде.