Алтын, акча урлау һәм корал саклау турында

Бер атна эчендә полиция хезмәткәрләре тарафыннан 25 административ хокук бозу, шул исәптән җәмәгать урыннарында исерек хәлдә йөрүнең 15, штраф түләмәүнең өч, ата-ана бурычларын үтәмәүнең бер очрагы ачыкланды.

29 яшьлек гражданин кредит картасын югалтуы һәм аны тапкан билгесез бер кешенең Wi-Fi аша вакыт-вакыт акча алып торуы турында хәбәр итә. Аңа 28408 сумлык зыян килгән.

Узган атнада җинаятьчеләрне эзләү бүлеге хезмәткәрләре тарафыннан «Арсенал» оператив-кисәтү чарасы үткәрелде, аның барышында 38 яшьлек гражданинның 9,5 мм калибрлы пистолеты булуы ачыкланды, ул тартып алынды. Бу җинаять өчен РФ Җинаять кодексының 222нче маддәсенең 1нче кисәге буенча (коралны законсыз алу, тапшыру, сату, саклау яки йөртү) җинаять җаваплылыгы каралган.

45 яшьлек чишмәле йортыннан алтын әйберләр урлану турында гариза язган. Зыян 74500 сум тәшкил иткән. Тикшерү барышында ачыклануынча, алтыннары югалган көнне ул ачкычларын йорты алдында, һәрвакыт куя торган урында калдырып китә. Кич белән эштән кайткач, алтыннарының урлануын белә.