-2 °С
Болытлы
Барлык яңалыклар
Кеше һәм закон
14 август 2019, 14:23
Ә ат белән колын эзсез югалган
Быел Чишмә районында мал урлауның 4 очрагы теркәлгән, малларның икесе чыгарып җибәргәннән соң кайтмаган.
Әнфисә Ирекова
Хуҗаларның малларын кире кайтарып булмаячак, чөнки җинаятьчеләр күп очракта терлекне урланган көнне чалып, икенче көнне үк итен сатарга тырыша.
– Районда ел саен көз җиткәч сыерлар, атлар һәм сарыклар урлау очраклары ешая, – диде Рәсәй Эчке эшләр министрлыгының Чишмә районы буенча участок полицейскийлары бүлеге начальнигы Искәндәр Назаров. – Төп сәбәбе – халыкның малларны күзәтүсез калдыруы. Мәсәлән, июнь аенда Ирек авылында иркенгә чыгарып җибәрелгән 13 бозау югалган. Хуҗалары аларның кайда йөрүләрен белмәгән дә, кайвакыт хәтта төнгелеккә дә алып кайтмаган.
Малларны көтү һәм куып алып бару тәртибен бозган өчен БР Административ хокук бозулар турындагы кодексның (КоАП) 7.3 маддәсе) буенча гражданнарга 1–3 мең сум; вазифаи затларга – 5–8 мең сум; юридик затларга 15–20 мең сум күләмендә штраф түләү яный. Йорт хайваннарын асрау, иркендә йөртү, сату тәртибен бозган, аулаган һәм үлеләндергән өчен (БР КоАПның 5.2 маддәсе) гражданнарга 1–2 мең сум; вазифаи затларга – 3–5 мең сум; юридик затларга 30–40 мең сум күләмендә штраф түләргә туры киләчәк. Кабаттан закон бозган өчен штраф күләме берничә тапкырга арта.
Бәйләп куелган маллар югалган очраклар да бар, күптән түгел Түбән Тирмә авылында колыны белән бер ат юкка чыккан. Хуҗа атын чирәмгә чыгарып бәйләгән, ә кич алырга килгәч тапмаган.
Полиция хезмәткәрләре малларны көтүлектә дә караусыз калдырмаска, урамга чыгарып җибәрмәскә һәм төнгелеккә алып кайтырга киңәш бирә. Маллар ташу өчен җайлаштырылган шикле машиналарның номерын мөмкинлек булганда язып алырга, шоферының һәм пассажирларының йөз-кыяфәтләрен истә калдырырга тырышырга кирәк.
Мал урлау, җинаять юлы белән табылган итне сату белән шөгыльләнүчеләр турында нинди дә булса мәгълүмат белсәгез, бу турыда Рәсәй Эчке эшләр министрлыгының Чишмә районы бүлегенә хәбәр итегез (тел. 8 (34797) 2-12-00).
Читайте нас:
Свидетельство о регистрации СМИ: ПИ № ТУ02-01358 от 23.07.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор: Хамитова Дильбар Равиловна
Телефон
8 (347 97) 2-06-86
Электрон почта
Адресы
452170, Чишминский район, п. Чишмы, пер. Типографский, 1
Реклама хезмәте
8 (34797) 2-33-63
Редакция
8 (34797) 2-31-66
Кабул итү бүлмәсе
8 (34797) 2-31-66
Хезмәттәшлек
8 (347 97) 2-06-86
Кадрлар бүлеге
8 (347 97) 2-33-63