Туган ил өчен көрәшкәннәр

Ул, 353 авылдашы кебек, гамәлдәге армиягә алынган һәм аннан әйләнеп кайтмаган. Әти фронтка киткәндә миңа нибары ике яшь булган. Ул 1942 елның ноябрендә һәлак булган һәм Смоленск өлкәсендә җирләнгән.

Әтине бөтенләй хәтерләмим, ниндирәк кеше булуын белергә теләп аның турында авылдашларымнан сораштым. Кечкенәдән каберен барып күрергә хыялландым. Әти һәлак булган авылны озак эзләдем. Кайбер өлкәләрнең чикләре үзгәртелгән, ул җирләнгән Кольцово авылы да Калуга өлкәсенә тапшырылган. Әйткәндәй, әтинең каберен эзләгәндә миңа гимназиянең элекке укытучысы Сания Вәлиәхмәтова җитәкчелегендәге Чишмә районы эзтабарлары зур ярдәм күрсәтте. 1985 елда шул авылга бардым. Һәйкәл куелган туганнар каберлегендә 199 яугир, шул исәптән әти дә җирләнгән. Смоленск, Калуга һәм Тверь өлкәләре территориясеннән үткәндә кайбер басуларның сөрелмәвенә игътибар иттем. Әлеге вакытта анда яшәүчеләр, тракторчылар әлегә кадәр ул җирне сөрүдән баш тарта, чөнки анда сугышлар шулкадәр каты барган ки, туган җиребезнең һәр почмагы өчен алышкан бик күп фронтовиклар һәлак булган, дип аңлаттылар.

Фнүн Кәшфетдинов

Редакциядән. «Алар хөрмәткә лаек! Минем героем» акциясенең дәвам итүе турында исегезгә төшерәбез. Әти-әниләренең, картәти-картәниләренең шул авыр вакытларда ничек сугышулары, михнәтле чорны тылда ничек кичерүләре, авыр балачак еллары турында сөйләвен күпләр хәтерлидер, мөгаен. Алар турындагы хикәягезне һәм фотоны электрон адреска (https://chishme.rbsmi.ru/) яки «ВКонтакте»дагы төркемебезгә (https://vk.com/chishme_gazite) яки «Одноклассники» төркеменә (https://ok.ru/chishme) «Бәйге өчен» билгесе белән җибәрегез.