Чишмәнең кечкенә йолдызчыклары

Бу вакыйга чын мәгънәсендә җыр-моң һәм иҗат бәйрәменә әверелде, анда Башкортстанның һәм илебезнең төрле төбәкләреннән иң сәләтле балалар үзләренең осталыкларын күрсәтү өчен җыелды.

Без зур горурлык белән Балалар сәнгать мәктәбенең музыка бүлегендә тәрбияләнүчеләрнең лаеклы чыгыш ясавын хәбәр итәбез. Алар остазлары җитәкчелегендә югары дәрәҗәдә әзерлек күрсәттеләр һәм безнең районда чын талантлар яшәвен исбатладылар.

Составына Башкортстанның һәм Рәсәйнең атказанган һәм халык артистлары кергән жюри музыкантларның чыгышын тиешенчә бәяләде.

Рөстәм Шәмсетдинов һәм Ралина Мөдәрисова I дәрәҗә, Альмира Камалова һәм Марина Ланичева III дәрәҗә лауреат исеменә лаек булдылар (укытучы Нурия Бикмәева).

Инструменталь жанрда Амелия Уразмәтовага III дәрәҗә лауреат дипломы тапшырылды (укытучысы Лилия Юлмөхәммәтова). Шул ук номинациядә укытучы Айрат Байматов җитәкчелегендә шөгыльләнгән балалар призлы урыннар яуладылар: Кәрим Атамратов I дәрәҗә, ә игезәк малайлар Әсхәт һәм Әскәр Байковлар II һәм III дәрәҗә лауреат булдылар. Рузил Байков та III дәрәҗә лауреат дипломы белән бүләкләнде.

Сәнгатьчә укучыбыз аеруча зур уңышка иреште! «Нәфис сүз» номинациясендә Алексей Бикбулатов (укытучысы Анна Бикбулатова) бик оста чыгыш ясап, I дәрәҗә лауреат исеменә һәм жюриның махсус бүләгенә лаек булды.

Лауреатларны һәм аларның укытучыларын чын күңелдән котлыйбыз! Зур хезмәтегез, сабырлыгыгыз һәм сәнгатькә мәхәббәт уятуыгыз өчен рәхмәтлебез. Балаларга ирешелгәннәрдә генә тукталып калмыйча, кыю рәвештә яңа үрләр яулавын һәм һәрвакыт үз мөмкинлекләренә ышануларын телибез. Сәнгать мәктәбе сезнең белән горурлана!