-10 °С
Кар
Барлык яңалыклар
Төрлесеннән
21 ноябрь 2025, 10:33
Турахан кәшәнәсен ЮНЕСКО исемлегенә кертү тәкъдим ителә
Башкортстанның күренекле һәйкәлен – Турахан кәшәнәсен ЮНЕСКО-ның Бөтендөнья мирасы исемлегенә кертү тәкъдим ителә. Бу хакта Башкортстан Республикасы Хөкүмәте премьер-министрының беренче урынбасары Урал Килсенбаев хәбәр итте. Турахан кәшәнәсе – Алтын Урда чорында төзелгән һәм борынгы торышта сакланып калган таш корылма, тулы бер ритуаль комплекс үзәге. Корылма Алтын Урда дәверендәге үзенчәлекле төзелеш техникасын кулланып, безнең төбәктәге ак таштан төзелгән. Аның архитектурасы – эчке өлеше туры дүртпочмак рәвешендә, тышкы яктан бина сигез кырлы пирамидага күчеп, түгәрәк гөмбәз белән тәмамлана.
«Без актив эш башладык: Визит-үзәк ачылды, тикшеренү эшләре алып барабыз һәм ЮНЕСКО өчен документлар әзерли башладык. Кәшәнә төрле өлкәләрдә ислам йогынтысы көчәюнең үзенчәлекле дәлиле, ул, җиде гасыр буе сакланып килгән тарихи һәйкәл булараҡ, ЮНЕСКО оешмасының төп таләпләренә туры киләдер дип ышанабыз», – диде Урал Килсенбаев.
Беренче вице-премьер тарихи мирасны саклау темасы белән кызыксынган һәркемгә мөрәҗәгать итеп, материалларны өйрәнүләрен, үз фикерләрен һәм тәкъдимнәрен калдыруларын сорады. Бу мөһим проект буенча эксперт фикере зур әһәмияткә ия, дип билгеләп үтте ул.
Килсенбаев шулай ук Башкортстан өчен бу елның җиңүләргә бик бай булуы: Парижда Шүлгәнташ мәгарәсенең тарихи әһәмиятен тану, «алтын кадаклар» – үзенчәлекле геологик объектлар ачылуы, «Торатау»ны глобаль геопарклар челтәренә кертү турында искә төшерде.
Турахан кәшәнәсен ЮНЕСКО исемлегенә кертү тәкъдим ителә
Редакцияне сайлау
Новости партнеров