Проектларны һәркем тормышка ашыра ала

Соңгы елларда социаль проектларга һәм грант бәйгеләренә күп игътибар бирелә.

Әмма моның нәрсә икәнен бар кеше дә аңламый.

Башкортстанда Республика Башлыгы Грантлары фонды баш грант операторы булып тора. Аның акчалата һәм мәгълүмати ярдәмендә бик күп социаль проектлар, шул исәптән районда үткән чаралар гамәлгә ашырыла. Һәр проект үзенчәлекле, чөнки алар бар күңелен салып эшләгән кешеләр ачкан коммерцияле булмаган оешмалар тарафыннан оештырыла һәм аларның һәркайсы район халыкның тормышын яхшыртуга үз өлешен кертергә омтыла.

Мәсәлән, «Сәламәтлек клубы» һәм «Спорт – уңышлы тормыш нигезе» проектларын гына алыйк. Беренче проектны гамәлгә ашыру барышында өлкән яшьтәгеләр спорт комплексында сәламәтлекләрен ныгыта алдылар. Икенче проект буенча Шөнгәккүл авылы халкы өчен урамнарга тренажерлар урнаштырылды. Коммерцияле булмаган «Ярдәм» хәйрия фонды оешмасы Башкортстан Республикасы Башлыгының тагын бер грантын отты. Шундый ук «Сәламәт киләчәк» проекты Алкин-2 авылында мәктәп укучылары өчен воркаут стилендә мәйданчык урнаштыруны күз уңында тотты.

Коммерцияле булмаган «Ярдәм» хәйрия фонды оешмасы директоры Радик Әхмәдиев билгеләп үтүенчә, бу проектлар башкаларыннан коммерцияле булмаган оешмалар командалары тырышлыгында уңышлы тормышка ашырылуы белән аерылып тора. Алар үз торак пунктларындагы якланмаган өлкәләр турында яхшы хәбәрдар. Грант проектларын төзеп, алар үз халкының ярдәмгә мохтаҗ булуын исбатлый алдылар.

Бүгенге көндә коммерцияле булмаган тармаклар башкарган эш бик мөһим була бара. Әгәр халык арасыннан берәрсе аларга кушылырга теләсә, район хакимияте консультатив ярдәм күрсәтергә, социаль проектлар төзергә өйрәтергә һәм проектларның әһәмиятен исбатлаучы платформалар турында сөйләргә әзер. Боларны эшләргә теләге булган һәркем якташларына булышлык күрсәтә ала.