Каникуллар файда белән үтә

Без барганда поселок гимназиясе территориясендә иллеләп бала кулларына тырма һәм пычкы тотып эшләп йөриләр иде. Алар лагерь начальнигы Лилия Байбәкова, аның урынбасары Юрий Кутищев һәм физкультура укытучысы Артур Сәхабетдинов җитәкчелегендә территорияләрне җыештыру белән шөгыльләнәләр. Ә моңа кадәр футбол уйнаганнар.

Укучылар бергәләп күтәренке кәефтә эшлиләр һәм күңелле итеп ял итәләр. Лагерьга йөргән балалар, технология дә-ресләрендәге кебек үк, үзләре өчен файдалы мәгълүмат алалар, эшкә өйрәнәләр. Мәсәлән, чәчәк орлыкларын да үзләре әзерлиләр, аларны таный һәм яраклысын сортларга аера беләләр. Аннары үсентеләр утырталар.  Хезмәт һәм ял лагере башлануын түземсезлек белән көтеп алган балалар да бар.