Үз илемнең ватанпәрвәре булырга вәгъдә итәм

Җиңү көне алдыннан Чишмә поселогының Тарих-туган якны өйрәнү музеенда Рәсәйнең яшь гражданнарына – 12 егет һәм кызга төп документ – паспортлар тапшырылды. Тантаналы чараны

«Без – Рәсәй гражданнары!» проекты кысаларында «Беренчеләр хәрәкәте»нең урындагы бүлеге белгечләре Ләйсән Билалова белән Элиза Габидуллина алып барды.

Айдар Мәхмәтов дүртенче мәктәпнең җиденче сыйныфында укый. Паспорт алу тантанасына аның әти-әнисе дә килгән. Алар әлеге вакыйганың төпчек уллары өчен генә түгел, ә үзләре өчен дә дулкынландыргыч булуын билгеләп үттеләр.

– Айдар кулына беренче тапкыр төп документ алды. Аңа һәм барлык яшьләргә алларына һәрвакыт югары максатлар куюларын, шуңа ирешүләрен, күркәм һәм якты тәэссоратларга бай тормыш юлы үтүләрен телим, – диде аның әтисе Булат Мәхмәтов.

Дилбәр Хәмитова тексты һәм фотосы