Йөрәгебез һәм җаныбыз белән сугышчылар янында

Башкортстанда «Хатын-кыз – милләт анасы» Бөтенрәсәй бәйгесендә җиңүчеләр хөрмәтләнде

Хатын-кызлар көне алдыннан, 1 мартта, Уфада «Хатын-кыз – милләт анасы» VIII Бөтенрәсәй бәйгесенә йомгак ясалды.

Чишмә районыннан әлеге чарага Иске Муса мәктәбе директоры Гөлназ Шәрипова, Калмаш авылыннан район дәваханәсе хезмәткәре Гөлчәчәк Байкова,

Башкортстан Республикасы Ватан сугышчылары гаиләләре комитетының район бүлекчәсе җитәкчесе Гүзәл Камалова, «Экопрод» авыл хуҗалыгы куллану-көнкүреш кооперативына нигез салучы, биология фәннәре кандидаты Вилена Дәүләтова, өлкән яшьтәге волонтер Кәримә Әхмәтшина, «Дуслык» сәүдә үзәге идарәчесе, Башкортстан хатын-кыз-эшмәкәрләр ассоциациясенең Чишмә филиалы җитәкчесе Лилия Мөхәммәтҗанова, Ярми авыл мәдәният йорты мөдире Гөлфия Сәрвәрова, үзмәшгуль эшмәкәр Марина Белаш, «Туклану үзәге» компаниясенең башкарма директоры Энҗе Әхмәдуллина катнашлыгында зур делегация барды. Аларның барысы да финалга чыктылар һәм хатын-кыз статусын үстерү һәм аның «Башкортстан Республикасының башкорт хатын-кызлары җәмгыяте»ндәге ролен активлаштыру төбәк иҗтимагый оешмасының дипломнары белән бүләкләнделәр, Рәсәй халыклары ассамблеясенең рәхмәт хатларына лаек булдылар.

Һәр катнашучы актив рәвештә иҗтимагый эшчәнлек алып бара, гуманитар ярдәм җыюда катнаша, хәрбиләрнең гаиләләренә мөмкин кадәр булышлык итүгә өлеш кертә. Һәрберсенең якын кешесе әлеге вакытта хәрби зонада, кызганычка каршы, кайберләренеке Ватан мәнфәгатьләрен саклап батырларча һәлак булган. Ләкин хатын-кызларыбыз, бернигә карамастан, ихтыяр көче табып, битараф булмаганнарны берләштереп, үзләрен югары миссиягә багышлаганнар.

«Хатын-кыз – милләт анасы» Бөтенрәсәй бәйгесе нәтиҗәләре буенча Чишмә районының берничә вәкиле төрле номинацияләрдә җиңү яулады. Шулай итеп, Лилия Мөхәммәтҗанова «Яшьләр лидеры» номинациясендә лауреат

булды. Ул хәрби операциягә ярдәм итү чараларын оештыручы, гуманитар ярдәм җыю буенча волонтерлык хәрәкәтендә катнашучы һәм иганәче булып тора. Бөтен гаиләсе – тормыш иптәше һәм ике улы аңа һәрнәрсәдә ярдәм итә.

Үзләрен хәйриячелек һәм иҗтимагый эшчәнлектә актив күрсәткәннәр «Бизнес-леди» номинациясендә билгеләп үтелделәр. Бу номинациядә җиңүче дип Энҗе Әхмәдуллина танылды. Ул махсус хәрби операция башланганнан бирле яугирләргә ярдәм итүдә актив катнаша, даими рәвештә гуманитар йөк җыюны оештыра, сугышчыларның гаиләләренә булышлык күрсәтә.

«Галимә» номинациясендә лауреат итеп Вилена Дәүләтова игълан ителде. Ул СВО зонасына гумконвой белән җибәрү өчен акча һәм азык-төлек җыюда актив катнаша. Республика һәм федераль дәрәҗәдә оештырылган төрле бәйгеләрдә даими катнаша, авыл җирлегендә үткән «Җәмәгатьчелек фикере лидеры», шулай ук

2020 елда «БР агросәнәгать комплексының яшь лидерлары» бәйгеләрендә җиңүче. 2021 елда югары күрсәткечләргә ирешкән өчен «Алтын көз» медале белән бүләкләнгән.