Фәрештәләргә ышану

фәрештәләр нурдан, кешеләр туфрактан бар ителгәннәр;

фәрештәләрдә ирлек-хатынлык юк;

фәрештәләр ашап-эчмәсләр һәм йокламаслар;

фәрештәләр, Аллаһның әмерләреннән чыгып, гөнаһ эшләмәсләр;

фәрештәләр күзгә күренмәсләр.

Аллаһы Тәгаләнең санаусыз фәрештәләре бар. Аларның санын бары тик Аллаһы

Тәгалә генә белә.

Фәрештәләрнең иң бөекләре түбәндәгеләр:

Җәбраил. Аллаһның әмер вә тыюларын пәйгамбәрләргә җиткерүче фәрештә, Аллаһ белән пәйгамбәр арасындагы илче;

Микаил. Табигать эшләре белән идарә итүче фәрештә. Яңгыр, кар, җил һәм табигатьтәге ризык эшләре белән вазифалы фәрештә;

Газраил. Җан алучы фәрештә. Аллаһның әмере белән әҗәле җиткән кеше-ләрнең рухын (җанын) алучы;

Исрафил. Кыямәт көнен кешеләргә белгертәчәк фәрештә. Сур исемле бер коралга өреп, дөнья тормышының беткәнен һәм кыямәт көненең башланганын белгертүче.

Бөек фәрештәләрдән башка төрле вазифаларны үтәүче фәрештәләр дә бар:

Кирамән вә Катибин фәрештәләр. Кешеләрнең гөнаһ-савапларын язып баручы фәрештәләр. Бу фәрештәләр кешеләрнең уң һәм сул җилкәләрендә булалар. Уң яктагысы – савапларны, сул яктагысы гөнаһларны язып бара;

Мөнкәр вә Нәкир фәрештәләр. Вафат булып, кабергә күмелгән кешедән: «Раббың кем? Пәйгамбәрең кем? Динең нинди?» – дип сорарлар. Бу фәрештәләргә «сөаль фәрештәләре» дә диелә. Динебезнең әмерләре буенча мөселман булып яшәгән кешеләр, бу сорауларга җавап биреп, кабер газабыннан котылырлар;

Хафаза фәрештәләре. Кешеләрне төрле каза вә бәлаләрдән саклаучы фәрештәләр.