Хәрби операция ветераннары шифаханәләрдә дәвалана

Республика халкы Саратов өлкәсендәге «Волга», Томскидагы «Ключи», Волгоград шәһәрендәге «Волгоград», Омскидагы «Омский», Төмәндәге «Тараскуль», Кемерово өлкәсендәге «Топаз» һәм Анападагы «Кристалл» тернәкләндерү үзәкләренә җибәрелә. Реабилитация үзәген сайлаганда һәр демобилизацияләнгән махсус хәрби операциядә катнашучының медицина күрсәтмәләре һәм шәхси ихтыяҗлары исәпкә алына.

Реабилитация үзәкләре заманча җиһазландырылган һәм анда яугирләрне нәтиҗәле дәвалау өчен кирәкле бөтен нәрсә бар.

Безнең демобилизацияләнгән берничә сугышчыбыз «Волгоград» тернәкләндерү үзәгендә дәвалану узды. Әлеге үзәктә җәрәхәтләрне, сулыш органнары, сөяк-мускул, кан әйләнеше системалары авыруларын дәваларга мөмкин. Биредәге климат, минераль сулар, шифалы ләм дәваланырга килүчеләрнең сәламәтлеген тергезергә мөмкинлек бирә.

Тернәкләндерү үзәкләрендә дәвалану өчен гаризаны Рәсәй Социаль фондының Башкортстан Республикасы буенча бүлегенең барлык клиент хезмәтләрендә, Күп функцияле үзәкләрдә бирергә мөмкин. Моның өчен гражданинның хәрби хәрәкәтләр ветераны таныклыгы булуы һәм махсус хәрби операция сафларыннан чыгарылуы кирәк.

Гариза буенча ике эш көне эчендә карар кабул ителә, һәм мөрәҗәгать итүче икенче көнне үк җавап ала.