Яугирләр өчен шифаханә

920 кеше шәхси йортларын газлаштыруга сертификатлар белән тәэмин ителде. 322 кеше җир участокларын бушлай алу өчен исәпкә басты. Махсус операциядә катнашкан 88 яугир хезмәт базарында ихтыяҗ булган һөнәрләр буенча уку өчен сертификатлар алган.

– Республика мәшгульлек үзәгенең Учалы районы филиалында укулар оештыруда уңышлы тәҗрибәләр булуына мисаллар китерәм. Мәсәлән, махсус операциядә катнашучыларның берсе «клиник психология» программасы буенча укыды һәм инде шәхси практика алып бара. Тагын ике СВО ветераны «Хәрби психология һәм сугышта стресс алу сәбәпле тайпылышларны җайга салу» программасы буенча укыдылар, әлеге вакытта шәхси сак оешмасында һәм «Ватанны саклаучылар» фонды филиалында эшлиләр. Ярдәмнең мөһим өлеше – консультация һәм психологик яктан булышлык күрсәтү. Әйтик, «Гаилә» үзәкләрендә бу хезмәттән 6,7 меңнән артык кеше файдаланган, медицина оешмаларында – 3 205. Монда #МыВместе төбәк штабы волонтерлары да ярдәм итә – алар 8,5 меңнән артык гариза кабул иткән һәм эшкәрткән. Махсус операциядә катнашкан 975 кеше медицина реабилитациясенә җибәрелгән. 333 СВО ветераны өчен кирәкле техник тернәкләндерү чаралары бирелгән, 2 меңнән артык сугышчыга бушлай юридик ярдәм күрсәтелгән. Ленара Иванова шулай ук ярдәмнең яңа чаралары турында да сөйләде. Әйтик, хәрби операциядә катнашкан 18 кеше Уфадан Көнчыгыш чыгу юлы буенча ташламалы йөрү хокукы алу өчен гариза биргән. Исегезгә төшерәбез, сорауны төбәк дәүләт хезмәтләре порталы яки Күп функцияле үзәк (МФЦ) аша электрон рәвештә дә җибәрергә мөмкин. Башкортстан Башлыгы барлык кабул ителгән ярдәм чараларын гамәлгә ашыруны дәвам итәргә кушты.

– Исегезгә төшерәм, бу ел республикада Махсус операциядә катнашучыларга һәм аларның гаилә әгъзаларына ярдәм итү елы дип игълан ителде. Без берничә карар кабул иттек инде. Эшне дәвам итәбез, – диде Радий Хәбиров.

                                                                                                                                                                БР Хезмәт һәм халыкны социаль яклау министрлыгы мәгълүматлары буенча.