Балалар да СOVID-19 белән авырый

Мәктәпкәчә яшьтәге 95 бала һәм тәрбиячеләр үзизоляциядә.

Чишмә районы буенча мәгариф идарәлеге мәгълүматларына караганда, иң күп ябылган сыйныфлар 1нче мәктәптә – алты сыйныфтан 166 укучы карантинга киткән. Гимназиядә өч сыйныф – 73 укучы дистанцион укуга күчкән. 5нче һәм 4нче мәктәпләрдә икешәр сыйныф ябылган, 98 укучы өйдә белем ала. Караякупта һәм 2нче мәктәптә бер сыйныф ябылган, 32 укучы карантинда.

Алкин-2 һәм Алкин шифаханәсе мәктәпләрендә 33 укучы дистанцион укуга күчерелгән.

16 сентябрьгә алынган мәгълүматлар буенча, 402 укучы һәм, әйтеп үтелгәнчә, мәктәпкәчә яшьтәге 95 бала үзизоляциядә.

COVID-19 белән авыручы күпчелек балаларның чир билгеләре җиңел яки бөтенләй юк.

Әмма алар вирус таратучы булып торалар һәм өлкәннәргә авыру йоктырырга ихтимал.

Чишмә үзәк район дәваханәсенең балалар поликлиникасы мөдире Лилия Шәфигуллина сүзләренә караганда, ата-аналар балаларының авыруын яки чир йоктырган кешеләр белән элемтәдә булуын яшергән очраклар да бар, нәтиҗәдә алар балалар бакчаларына һәм мәктәпләргә йөрүен дәвам итәләр, шул рәвешле башкаларның сәламәтлегенә һәм гомеренә куркыныч тудыралар, шулай ук үзләре дә өзлегүе мөмкин.

Яңа уку елы башлану белән, 1 сентябрьдән ПЦР-тестлары уңай булучылар ачыклангач, төркемнәр һәм сыйныфлар ябыла башлады. Табибларны өйгә чакырулар саны да артты. Педиатрлар кайбер көннәрдә авыруларның өйләренә 30 һәм күбрәк тапкыр бара. Бер эш көнендә кичектергесез ярдәм кабинетында 200ләп бала кабул ителә, анализга, ким дигәндә, 100 мазок алына. Поликлиника зур йөкләнеш белән эшли. Лилия Шәфигуллина дәвалау оешмасына килгән, ата-аналарның түземлерәк булуын, баланың ковид белән авыручылар белән элемтәдә булуын мәктәп җитәкчелегеннән яшермәвен сорый, югыйсә хроник авырулары булган укытучыларның һәм тәрбиячеләрнең дә чир йоктыруы ихтимал. Моңа кадәр балаларны Уфадагы йогышлы авырулар дәваханәсенә салу очраклары булды, әмма әлеге вакытта COVID-19 диагнозы куелган барлык балалар амбулатор дәвалана.