Чишмэ
+5 °С
Болытлы
Бөек Җиңүгә - 80 ел
Барлык яңалыклар
Мәдәният
21 февраль , 10:00

Моң бәйрәме бүләк иттеләр

Балалар сәнгать мәктәбендә Уфа шәһәренең махсус урта белем бирүче музыка колледжы укытучыларыһәм укучылары делегациясе булып китте. Аның составында Башкорстанның атказанган сәнгать эшлеклесе, колледж директоры Ришат Сәгыйтов, шулай ук фортепиано классы буенча укытучы Светлана Кәримова, домра классы буенча белем бирүче Елена Камалова һәм унбер сәләтле укучы бар иде. Без сәнгать мәктәбендә шундый дәрәҗәле кунаклар килүгә һәрвакыт шатбыз. Дәвамы сайтта

Моң бәйрәме бүләк иттеләр
Моң бәйрәме бүләк иттеләр

Уфа дәүләт сәнгать институты карамагында әлеге колледжга 53 ел элек нигез салынган, һәм шул вакыт эчендә уку йортының исеме дә үзгәргән. Әмма көндәлек тормышта барлык укучылар һәм укытучылар аны элеккечә «десятилетка» дип атап йөртәләр. Безнең илдә андый мәктәпләрнең барысы да шулай дип аталган. Аларны тәмамлаучыларның күбесе Уфа шәһәрендә һәм илебездә киң танылу алган шәхесләр. Мәсәлән, Башкортстанның мәдәният министры Әминә Шәфыйкова һәм республиканың атказанган артисты, тумышы белән безнең районнан булган Индира Әсәдуллина урта махсус музыка колледжының фортепиано классын тәмамлаганнар. Ә бөтен дөньяга билгеле пианист Денис Мацуев Мәскәүнең Үзәк музыка мәктәбендә укыган.

Колледж укытучылары Ришат Рәфкать улы, Светлана Мәсгүт кызы һәм Елена Викторовна безнең сәнгать мәктәбендә укучы балалар өчен аккордеон, домра һәм фортепиано классы буенча кызыклы осталык дәресләре үткәрделәр, үзләренең һөнәри эшчәнлегендә кулланыл-ган ысуллар һәм эш формалары турында сөйләделәр. Колледж укучылары, яшь булуларына карамастан, «Ачык ишекләр көннәре» барышында куелган концертта, музыкаль сәләтләрен күрсәтә алдылар. Тамашачылар аларның рояль, аккордеон, домра, балалайка, виолончель, скрипка һәм саксофон кебек төрле уен коралларында оста итеп уйнауларын ләззәтләнеп тыңладылар.

Композиторларның барокко чорыннан алып хәзерге заман джаз композицияләренә кадәр әсәрләре яңгырады.

Уфа шәһәренең урта махсус музыка колледжы укучыларының концерты онытылмаслык тәэссоратлар калдырды, һәм Чишмә балалар сәнгать мәктәбе укучылары һәм укытучылары өчен чын моң бәйрәменә әйләнде.

                                                                                                                                                         Лилия Юлмөхәммәтова, Нурия Бикмәева, Чишмә балалар сәнгать мәктәбе укытучылары.

Автор:Елена Дибаева
Читайте нас: