Мең ыруының фольклор форумы

Башкортстанның атказанган артисткасы, Сургут филармониясенең «Светилен» хор капелласы вокалчысының чыгышы беркемне дә битараф калдырмады. Аның композицияләре амфитеатрда аеруча үзенчәлекле яңгырады. Мең ыруы фольклор форумында җырчы Гөлфинә Хәмитова да чыгыш ясады.

– «Турахан» Визит-үзәгенә беренче тапкыр килдек, күргәннәребездән бик нык тәэсирләндек. Бу безнең өчен зур мәртәбә. Чакыруны аеруча дулкынланып кабул иттек, – дип билгеләп үттеләр кунак-лар.

Иҗтимагый оешмалар активистларына халык гореф-гадәтләрен саклауга һәм туган телне үстерүгә керткән өлешләре өчен Бөтендөнья башкортлар корылтаеның Рәхмәт хатлары тапшырылды. Мең ыруы берләшмәсе рәисе Әхнәф Тимербулатов, философ, социолог, философия фәннәре докторы, профессор, Башкортстан Республикасының Фәннәр академиясе академигы Фәнил Фәйзуллин форумда катнашучыларга рәхмәт белдерделәр.

Киләчәктә дә халыклар арасында дуслыкны, милләтара татулыкны һәм мөнәсәбәтләрне ныгыту юнәлешендә актив эшләргә өндәделәр. Башкорт халкының милли мәдәниятен һәм рухи-әхлакый кыйммәтләрен, сәламәт яшәү рәвешен пропагандаладылар, мең ыруы башкортларын берләшергә, башкорт халкының рухи тормышын баетырга, милли йолаларны, халык уеннарын һәм гореф-гадәтләрен югалтмаска чакырдылар.