Кәшәнәне төзекләндерү һәм мөселманнар җыены турында

Район хакимияте башлыгы Р. Мансуров башлангычында бирегә туристларны җәлеп итү буенча зур эш алып барыла. Ришат Әнис улы билгеләп үтүенчә, бу мәсьәләне хәл итү өчен мавзолейлар тирәсендә кирәкле инфраструктура төзергә һәм тирә-юньне тәртипкә китерергә кирәк.

Күптән түгел Чишмә районы делегациясе бу мәсьәлә буенча Рәсәйнең Баш мөфтие Тәлгать Таҗетдин белән очрашты. Райондагы борынгы мәдәният һәйкәлләре инфраструктурасын республика дәрәҗәсендә үстерү, шулай ук әлеге мәсьәләне хәл итү буенча кирәкле чаралар турында фикер алыштылар.

Имам Хөсәенбәк истәлегенә багышланган, районда ел саен үткәрелүче мөселманнар җыены кебек киңкүләм чараны үткәрү мәсьәләсе турында да фикер алыштылар. Кызганычка каршы, үткән елда пандемия бу чараны элекке форматта үткәрергә мөмкинлек бирмәде. Быел аны югары дәрәҗәдә оештыру планлаштырыла.