Көзгы чәчү башланды

 Уртача уңыш гектарыннан 34 центнер тәшкил иткән.

«Агропромбизнес», «Благоварский» һәм «Земля Урала» хуҗалыклары бөртекле культуралар урып-җыюны тулысынча төгәлләгәннәр. «Нерал Чишмә» һәм «Агро Альянс» предприятиеләрендә дә эшләр төгәлләнү этабында.

Сабан бодаен урып-җыю югары темп белән бара: мәйданнарның яртысыннан күбесе урылган, уртача уңыш – гектарыннан 32 центнер. Җитен алу да төгәлләнгән.

Шикәр чөгендерен казу дәвам итә. Район буенча уртача уңыш гектарыннан 355 центнер тәшкил итә, ә «Үзәк» МТСта бу күрсәткеч 400 центнерга җитә.

Чишмә шикәр заводы чимал кабул итә башлады – предприятиегә 22758 тонна тамыразык китерелгән.

Районның авыл хуҗалыгы идарәлеге башлыгы Эрнес Кәримов билгеләп үткәнчә, урып-җыю белән беррәттән, киләсе ел уңышы өчен нигез салына – көзгы чәчү кампаниясе башланды. Әлеге эшкә «Агропромбизнес», «Үзәк» МТС, «Нерал Чишмә» һәм «Земля Урала» хуҗалыклары кереште.