-16 °С
Болытлы
Барлык яңалыклар
Авыл хуҗалыгы
22 октябрь , 16:53
Сәләт һәм гаилә бердәмлеге фестивале
Чишмә районында гаҗәеп фестиваль – «Зур гаилә уеннары»ның муниципаль этабы булып үтте. 1-нче мәктәптә дәрт-дәрман, иҗат һәм, әлбәттә инде, зур бердәмлек хакимлек итте. Тату һәм актив, һәрьяклап үсеш белән мавыгучы чын энтузиастлар, «Рәсәй бөркете» программасы берләштергән тугыз гаилә белем, сәләт һәм спорт рухы хөкем сөргән мавыктыргыч бәйгедә көч сынаштылар.
Сәләт һәм гаилә бердәмлеге фестивале
Гаиләләр экология һәм ватанпәрвәрлектән алып спорт һәм иҗатка кадәр төрле өлкәләрдә белемнәрен сынадылар. Төрле биремнәр буенча үткәрелгән бәйгеләр гаилә бәйләнешләренең ныклыгына чын сынау булды, әмма безнең катнашучылар барлык биремнәрне дә намус белән үтәделәр.
Иң мөһиме – ул уен-көлке, юмор, үзара ярдәм белән тулы искиткеч бәйрәм халәте.
Жюри әгъзаларына урыннарны билгеләү җиңел булмады. Поселок гимназиясеннән Сөләймановлар гаиләсе беренче урын яулады. Алар «Зур гаилә уеннары» фестиваленең 2-4 ноябрьдә Алкин-2 авылының «Патриот» хәрби-патриотик паркында узучы төбәк этабында катнашачак.
Икенче урында – Әмин мәктәбеннән Кәримовлар гаиләсе.
Поселокның бишенче мәктәбеннән Галикәевлар гаиләсе мактаулы өченче урынга лаек булды.
Бу көн безнең йөрәкләрдә озакка калыр! «Зур гаилә уеннары» фестивале гаиләләр өчен вакытны бергә уздыру, сәләтләрен күрсәтү, үзара мөнәсәбәтләрне ныгыту һәм уңай хис-кичерешләр алу өчен менә дигән мөмкинлек булды. Фестивальне оештыручылар барлык гаиләләргә уңышлар, ныклы сәламәтлек, бәхет һәм иминлек теләделәр.
Гаилә бәйләнешләре көннән-көн ныгысын, бәйгеләрдә уртак җиңүләр шатлык китерсен.
Редакцияне сайлау
Новости партнеров