Комбайннар сынау уза

– Бик шәп комбайн. Барлык командалар төгәл үтәлә. Техника үзен яхшы яктан күрсәтте, уңайлы һәм чагыштырмача кыйммәт түгел. Җитештерүчәнле ком-байннарның берсе, – диде Вәсил Бикмәтов.

Владимир Чаюков билгеләп үтүенчә, комбайнның 90 проценты Белоруссиядә җитештерелгән комплектлардан корылган. Ярославльнең 450 ат көченә ия булган «ЯМЗ-658» турбодвигателе куелган.

– Ургычның киңлеге 9 метр, бункер күләме 9,5 кубометр тәшкил итә. Комбайнда суктыру һәм сепарацияләүнең гибрид системасы урнаштырылган. Без аңа ике ел гарантия бирәбез. Әлеге техника якынча 24 миллион сум тора, – ди ул.

– Сынауларның беренче көнендә сабан арпасын җыеп алдык. Комбайн белән тулы булмаган сменада алты гектар җирдә үстерелгән уңышны җыеп алдык. Алдагы көннәрдә урып-җыю мәйданын арттырырбыз дип өметләнәбез, – диде агроном Марал Сулеева.

Вәсил Бикмәтов сүзләренә караганда, «Башкир-агроинвест» җәмгыяте башка завод комбайннарын да сынап караячак. Аннары нәтиҗә ясап, хуҗалыкта комбайннар паркын яңарту турында карар кабул ителәчәк.